Súkkulaðihringur



súkkulaðibrauð

Brauð með súkkulaði, eða súkkulaði með brauði, bæði betra!

Brauðhringur

Hulda Sif kom með úrklippumynd heim úr leikskólanum í síðustu viku þar sem þau höfðu klippt alls konar út úr tímaritum og límt á blað. Þar var mynd af svipuðum hring og þessum og hún var alveg staðráðin í því að við þyrftum að baka svona brauðhring. Auðvitað fær litla prinsessan á heimilinu allt sem hún óskar sér svo við bökuðum þennan súkkulaðihring um síðustu helgi og var hann alveg dásamlega góður!

Nutella recipe

Súkkulaðihringur

  • 150 g smjör
  • 500 l mjólk
  • 120 g sykur
  • 1 pk. þurrger (11,8g)
  • 720 g hveiti
  • 1 tsk. salt
  • 380 g súkkulaði- og heslihnetusmjör
  1. Bræðið smjör í potti og hellið þá mjólkinni og sykrinum saman við.
  2. Hitið saman þar til rétt ylvolgt og færið yfir í skál (svo það hitni ekki frekar)
  3. Hellið þurrgerinu saman við og blandið saman, leyfið að standa í nokkrar mínútur á meðan þið vigtið hveiti og salt í hrærivélarskálina.
  4. Setjið hveiti og salt í hrærivélarskálina og notið krókinn. Hellið gerblöndunni saman við og hnoðið í nokkrar mínútur.
  5. Penslið stóra skál að innan með matarolíu, takið deigið úr hrærivélarskálinni, hnoðið það stutt í höndunum í kúlu og veltið kúlunni upp úir matarolíuhúðinni í stóru skálinni, plastið og leyfið að hefast í um eina klukkustund.
  6. Hitið ofninn í 200°C og takið til bökunarplötu með bökunarpappír.
  7. Fletjið deigið út í um það bil 35 x 70 cm.
  8. Hitið súkkulaði- og hnetusmjörið lítillega í örbylgjuofni til að það linist aðeins upp og smyrjið því síðan jafnt yfir deigið.
  9. Rúllið upp eins og þið ætlið að gera snúða en skerið síðan „rúlluna“ til helminga, langsum. Fléttið síðan saman og setjið í hring á bökunarplötunni. Gott er að taka aðeins af endunum og klemma síðan slétta enda saman.
  10. Bakið í 25-30 mínútur eða þar til hringurinn er orðinn vel gylltur.
uppskrift með nutella

Mmmm…..

Nutella lover

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun