Það er svo gaman að leika sér með kökumix og þessi útkoma er algjört dúndur!
Kakan sjálf er blaut í sér og síðan koma þristabitar inn á milli og vanillurjóminn og berin toppa þetta síðan allt saman!
Hægt er að baka kökuna með fyrirvara og frysta ef þið eruð með veislu og síðan skera í bita og skreyta samdægurs, mmmmmm!
Þristabrúnkur
16 stykki
Brúnkur
- 1 pakki Betty Crocker Chocolate Fudge Cake mix
- 1 egg
- 50 ml Isio 4 matarolía
- 100 ml vatn
- 2 msk. bökunarkakó
- 150 g Þristur (súkkulaði)
- Hitið ofninn í 160°C og takið til ferkantað kökuform um 25 x 25 cm að stærð. Gott er að klæða formið að innan með bökunarpappír og spreyja í hann matarolíuspreyi.
- Hrærið saman eggi, vatni, olíu og bökunarkakó.
- Bætið kökuduftinu saman við, blandið vel og skafið niður á milli.
- Skerið Þristinn í smáa bita og blandið saman við kökudeigið með sleikju, hellið í kökuformið.
- Bakið í um 22-25 mínútur og kælið áður en þið skerið í bita.
- Berið fram með vanillurjóma og ferskum berjum.
Vanillurjómi
- 400 ml rjómi
- 3 msk. flórsykur
- Fræ úr einni vanillustöng
- 2 tsk. vanilludropar
- Setjið allt saman í hrærivélarskálina og þeytið þar til topparnir halda sér.
- Berið fram með brúnkunum ásamt ferskum berjum.
Betty einfaldar sannarlega lífið!
Ég nota alltaf Isio4 matarolíu í baksturinn þegar beðið er um ljósa, daufa olíu.
Mmmm……
