Ef þessi sumarsangria færir okkur ekki sumarið þá veit ég ekki hvað. Ástríðuávöxturinn í bland við allt þetta sumarlega hráefni, namminamminamm!
Súper svalandi og fullkominn drykkur!
Ég sá þessa hugmynd af sangriu hjá Plated Cravings og útfærði eftir mínu höfði og útkoman var hreint út sagt dásamleg.
Ég elska Broste Smoke og Broste Amber línurnar frá Húsgagnahöllinni og langar mig helst að eiga öll þessi glös! Það skemmtilega við sangriu er síðan að hana má drekka úr hvernig glasi sem er. Þið getið því raðað saman öllum fallegustu glösunum ykkar í bland og notið þessa dásemdardrykks.
Sumarsangria
Uppskrift dugar í um 10 glös
- 1 appelsína
- 2 lime
- 4 x ástríðuávöxtur
- 300 ml ananassafi
- 200 ml appelsínusafi
- 500 ml sódavatn með appelsínubragði (Toppur)
- 600 ml Muga hvítvín
- Skerið appelsínu og lime niður í bita. Gott að skipta hverri appelsínusneið í 6 hluta og hverju lime í 4 hluta, setjið í stóra skál.
- Skafið innan úr ástríðuávextinum og setjið í skálina.
- Hellið næst ananassafa, appelsínusafa, sódavatni og hvítvíni í skálina og hrærið saman.
- Fyllið glös af klökum og loks sangriu!
Muga hvítvínið passaði fullkomlega í þennan drykk!
Ég tók hins vegar smá hluta frá fyrst fyrir stelpurnar svo þær gætu smakkað og þær elskuðu þennan drykk! Ef þið viljið hafa sangriuna alla áfengislausa má setja meira appelsínu sódavatn í staðinn fyrir hvítvínið.
Smá létt snarl í fallegum skálum passar síðan vel með þessum ferska sumardrykk!
Þessi glös eru algjörlega dásamleg! Brettið sem þið sjáið undir glösunum er ekki síðra en þetta er Stuff Enoteca bretti sem er undurfallegt og hentar fyrir smárétti, ostabakka eða hvað sem er.
