Eplakröns



⌑ Samstarf ⌑
Eplapæ með karamellusúkkulaði

Það er að detta smá haust í mig í matargerðinni þó svo ég haldi enn í vonina um nokkra síðbúna sumardaga!

EFtirréttur með eplum og kanil

Eplabökur er hægt að útbúa á ótal vegu. Hér kemur einföld og undurljúffeng útfærsla með súkkulaði. Þið megið að sjálfsögðu setja hana í eitt stærra fat en mér finnst alltaf gaman að gera margar litlar ef það er í boði.

Eplakröns

Eplakröns

Uppskrift fyrir 6 lítil form

Eplafylling

  • Um 400 g  „pink“ epli (6 lítil, afhýdd og skorin í litla teninga)
  • 2 tsk. sítrónusafi
  • 50 g kanilsykur
  • 100 g Happi súkkulaði með saltkaramellu
  1. Hitið ofninn í 180°C.
  2. Blandið eplabitum, sítrónusafa og kanilsykri saman í skál og bætið niðurskornu súkkulaðinu saman við í lokin.
  3. Smyrjið eldföst lítil mót (eða eitt stærra) með smá smjöri og skiptið eplablöndunni niður í formin.

Kröns ofan á

  • 100 g hveiti
  • 100 g púðursykur
  • 100 g smjör við stofuhita
  1. Blandið öllu saman í hrærivélarskálinni eða með höndunum.
  2. Klípið litla bita og dreifið vel af deigi yfir hvert form.
  3. Bakið í um 25 mínútur eða þar til deigið er orðið vel gyllt og karamella farin að koma upp í gegn.
  4. Kælið aðeins og njótið með góðum ís!
Happi vegan súkkulaði

Happi súkkulaði er vegan, glúteinlaust, soyafrítt og unnið úr haframjólk sem er glúteinlaus. Súkkulaðið tikkar því í vegan og ofnæmisvalda flokkinn og auðvelt að breyta þessari uppskrift í takt við slíkt án þess að missa af þessu undur ljúffenga súkkulaði, namm!

Einfalt eplapæ

Mmmm þetta er svo einfalt og gott!

Eplapæ

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun