Það er gaman að bjóða upp á jólalega drykki á aðventunni og það getur sannarlega verið annað en heitt jólaglögg!
Hér er á ferðinni ferskur og góður drykkur með ávöxtum, rauðvíni og alls konar jólalegum og bragðbætandi hráefnum, mæli með að þið prófið.
Jólapúns uppskrift
Dugar í 5-7 glös
- 1 appelsína
- 1 epli (jonagold)
- 1 flaska (750 ml) Adobe Reserva rauðvín
- 100 ml Contreau líkjör
- 100 ml appelsínusafi
- 200 ml trönuberjasafi
- 150 g frosin/fersk trönuber
- 50 g sykur
- 3 stk. stjörnuanís
- 2 kanilstangir
- Skerið appelsínuna í þunnar sneiðar og eplið í teninga (með hýðinu).
- Hrærið næst öllum hráefnum saman í skál, lokið vel og kælið yfir nótt.
- Setjið nokkra klaka í glas og fyllið síðan með púns.
Það er hægt að útbúa þennan drykk daginn áður og leyfa honum að marinerast aðeins í kælinum áður en honum er hellt í glös.
Þessi uppskrift birtist á dögunum í jólablaði Húsgagnahallarinnar og fást þessi fallegu glös einmitt þar.
