Það er svo gaman að bjóða upp á smárétti þar sem margir litlir og ljúffengir réttir koma saman. Þá eru líka enn frekari líkur á því að allir finni eitthvað við sitt hæfi!
Pálínuboð þar sem vinir hittast og allir koma með eitthvað á borðið eru einnig sniðug og þessi réttur myndi einmitt henta fullkomlega í slíkt.
Mmmm….
Beikonvafðar tígrisrækjur
25-30 stykki
- 2 öskjur tígrisrækja frá Sælkerafiski (um 700 g)
- 13-15 stórar beikonsneiðar
- 70 g smjör
- 40 g púðursykur
- ½ msk. chipotle eða cajun krydd
- Tilbúin hvítlaukssósa (til að bera fram með)
- Hitið ofninn í 200°C og klæðið bökunarplötu með bökunarpappír.
- Bræðið smjör og sykur saman í potti við vægan hita þar til sykurinn leysist upp og hrærið kryddinu þá saman við.
- Affrystið, skolið og þerrið rækjurnar.
- Skerið beikonsneiðar í tvo hluta og vefjið hverri rækju þétt inn í beikon.
- Raðið á bökunarplötuna og penslið með rúmlega helmingnum af smjörblöndunni.
- Setjið í ofninn í 15 mínútur, takið út og penslið aftur með smjörblöndu. Stillið á grill (200°C) og setjið aftur inn í ofninn í um 5 mínútur til viðbótar.
- Berið fram með hvítlaukssósu.
Þessar rækjur eru dásamlegar, bæði djúsí og smá „spæsí“ um leið og hvítlaukssósan mildar þetta og fullkomnar síðan allt.
Þessi færsla er unnin í samstarfi við Gerum daginn girnilegan!
