Hér er á ferðinni virkilega jólalegur og ljúffengur ostapinnahringur sem er einfalt að útbúa. Það má auðvitað raða því sem hugurinn girnist á pinnana en hér kemur hugmynd frá mér sem sló í gegn í jólaboði um daginn.
Rauðvín og ostar, það er fátt betra á aðventunni!
Mmmm…..hversu girnilegt!
Hátíðarhringur
- Hindber 1 askja
- Brómber 1 askja
- Vínber græn
- Marineruð hvítlauksrif (fást t.d í Krónunni)
- Ólífur
- Bónda brie x 3
- Dóri sterki 1 pk
- Salami
- Hráskinka
- Langir tannstönglar/aðrir kokteilpinnar
- Ferskt rósmarín
- Skerið hvern brie ost í 8 bita.
- Skerið ostsneiðarnar í 3 hluta og rúllið hverjum upp.
- Rúllið salamisneiðum upp/brjótið saman.
- Rúllið hráskinkusneiðum upp/brjótið saman (skerið hverja í tvennt nema þið séuð með litlar sneiðar).
- Raðið saman fjölbreyttum pinnum!
- Raðið pinnunum síðan saman í hring og stingið rósmaríni hér og þar í hringinn til að skreyta.
Muga rauðvínið er undursamlegt með góðum ostum!
