Ef þið viljið einfaldan og fljótlegan eftirrétt þá er þessi hér úr bókinni Börnin baka alveg undursamleg!
Elín Heiða elskar skyrkökur líklega mest af öllum kökum og þessa hér hannaði hún alveg sjálf. Lu kex er uppáhaldið hennar í botninn og síðan má leika sér með bragðtegundir af skyri í fyllinguna. Fersk ber eru síðan alltaf efst á óskalistanum hennar til að setja á toppinn.
Berjaskyrkaka
Botn
- 1 pakki Lu Bastogne kex
- 60 g brætt smjör
- Myljið kexið í blandara/matvinnsluvél þar til það verður duftkennt.
- Hellið kexmylsnunni í skál og blandið brædda smjörinu saman við.
- Pressið í botninn á fati/skál og kælið á meðan annað er útbúið.
Fylling og toppur
- 500 g Ísey skyr með bláberjum og hindberjum
- 500 ml rjómi
- Um 125 g bláber
- Um 125 g hindber
- 30 g saxað suðusúkkulaði
- Þeytið rjómann og blandið skyrinu varlega saman við hann og setjið yfir kexbotninn.
- Skreytið með ferskum bláberjum, hindberjum og söxuðu súkkulaði.
- Geymið í kæli fram að notkun.
Mmmmm….þessi er ofureinföld og góð!
