Það þekkja flestir Pik Nik kartöflusnakkið góða sem hefur fylgt okkur lengi! Það má sannarlega nota það í ýmislegt ljúffengt, annað en að bera það fram með grilluðum hamborgurum eins og margir gera! Hér fyrir neðan koma nokkrar hugmyndir þar sem það er notað í heitan rétt, túnfisksalat, súkkulaðibita og á pylsur.
Heitur brauðréttur með Pik Nik
- 6 sneiðar fransbrauð
- 200 g sveppir
- 1/3 blaðlaukur
- 1 hvítlauksostur
- ½ piparostur
- 350 ml rjómi
- 200 g skinka
- 70 g pepperoni
- Rifinn ostur
- 80 g Pik Nik kartöflusnakk
- Smjör/olía til steikingar
- Salt, pipar, hvítlauksduft
- Hitið ofninn í 180°C.
- Skerið skorpuna af brauðsneiðunum og rífið brauðið niður í eldfast mót.
- Skerið sveppi og blaðlauk niður, steikið upp úr smjöri/olíu og kryddið eftir smekk.
- Rífið ostana yfir og hellið rjómanum saman við, hrærið þar til osturinn er bráðinn.
- Skerið skinku og pepperoni niður og bætið á pönnuna, hrærið öllu saman og hellið síðan yfir brauðið.
- Rífið ost yfir og hitið í um 20 mínútur í ofninum, setjið þá Pik Nik ofan á og hitið áfram í um 5 mínútur.
Súkkulaði Pik Nik bitar
- 100 g sýróp
- 170 g suðusúkkulaði
- 20 g smjör
- 100 g Pik Nik
- 1 lúka saxaðar jarðhnetur
- Setjið sýróp, súkkulaði og smjör í pott, hitið þar til allt er bráðið saman.
- Bætið þá Pik Nik saman við og hjúpið vel með súkkulaðiblöndunni.
- Setjið kúfaða matskeið á bökunarpappír, blandan gefur 10-12 stykki.
- Stráið hnetunum yfir áður en súkkulaðið storknar.
- Kælið í um 15 mínútur áður en þið njótið.
Pylsa með Pik Nik
- Pylsur + pylsubrauð
- Steikur laukur
- Tómatsósa
- Súrar gúrkur
- Franskt sinnep
- Pik Nik
- Sjóðið eða grillið pylsurnar og hitið brauðin.
- Setjið álegg á eftir óskum og smá Pik Nik bæði undir og yfir.
- Njótið samstundis.
Túnfisksalat með Pik Nik
- 4 harðsoðin egg
- 1 dós túnfiskur (í vatni, 185 g)
- 150 g majónes
- ½ rauð paprika
- ½ rauðlaukur
- 50 g Pik Nik + meira til skrauts
- Aromat eftir smekk
- Saxið niður papriku og lauk og setjið í skál.
- Skerið niður eggin og bætið þeim ásamt majónesi saman við og blandið öllu saman.
- Kryddið eftir smekk og í lokin má setja 50 g af Pik Nik saman við og blanda saman, setja síðan í skál og toppa með meira Pik Nik.
Þetta var allt svo gott og nú mæli ég með að þið prófið ykkur áfram með Pik Nik í uppskriftum!
