Hér kemur einn léttur og sumarlegur réttur sem ég fékk frá henni Heiðrúnu hjá HN Gallery um daginn þegar ég óskaði eftir sumaruppskriftum frá ykkur! Hann er einfaldur, fljótlegur og brakandi góður, mæli með að þið prófið! Ég mæli líka með að þið kíkið á síðuna hennar og skoðið allt það fallega sem þar er í boði!
Við höfðum hann í kvöldmatinn en hún bauð til dæmis upp á hann á hlaðborði í skírn hjá ömmustráknum sínum svo það má notað þessa uppskrift eins og ykkur hentar.
Mmmm….
BBQ kjúklingaréttur
Fyrir um 4 manns
- 3-4 kjúklingabringur (eftir stærð)
- 8 msk Heinz Sweet bbq sósa
- ¾ agúrka
- Piccolo tómatar (1 box)
- 2 avókadó
- ½ krukka fetaostur með olíu
- 1 lúka ristaðar furuhnetur
- 2 lúkur mulið nachos
- Ólífuolía til steikingar
- Kjúklingakrydd
- Skerið kjúklinginn í bita, steikið upp úr olíu og kryddið eftir smekk.
- Þegar hann er eldaður í gegn má slökkva á hellunni, setja bbq sósuna yfir, blanda saman og leyfa hitanum aðeins að rjúka úr á meðan þið skerið niður grænmetið.
- Skerið tómata, agúrku og avókadó niður og setjið í skál, blandið saman ásamt fetaosti og furuhnetum.
- Setjið næst kjúklinginn yfir grænmetið og að lokum mulið nachos.
Heinz Sweet bbq sósan er mín allra uppáhalds og það er algjör óþarfi að spara hana, tíhí!
Stella fer síðan einstaklega vel með þessum bbq rétti!
Þessi færsla er unnin í samstarfi við Gerum daginn girnilegan!
