Ostasalöt slá alltaf í gegn og henta vel í veislur, með kaffinu eða bara þegar ykkur langar í eitthvað gott!
Ég elska klassíska ostasalatið úr Hagkaupsbókinni gömlu en núna ákvað ég að leika mér aðeins með mexíkóþema í svipaðri ostasalatsgerð.
UPPSKRIFTAMYNDBAND á Instagram
Salatið heppaðist einstaklega vel, er ferskt, smá spicy og sjúklega gott!
Ostasalat frá Mexíkó
- 2 x mexíkó kryddostur
- 1 rauð paprika
- 2 stk. jalapeno
- ½ rauðlaukur
- 140 g sýrður rjómi
- 140 g Hellmann‘s majónes
- ½ tsk. salt
- ½ tsk. paprikuduft
- ¼ tsk. Cheyenne pipar
- Skerið ostinn í litla teninga og saxið papriku, jalapeno og rauðlauk smátt.
- Blandið næst öllu saman í skál með sleikju þar til vel blandað.
- Njótið með góðu kexi.
Hellmann’s majónesið spilar hér lykilhlutverk og síðan er hægt að stýra hollustunni alveg með því að velja á milli venjulegu krukkunnar eða Light/Lighter than light!
